1942 سے ٹیکنیکل تعلیم کا مرکز

گورنمنٹ ٹیکنیکل ماڈل اسکول کوئٹہ، بلوچستان میں ٹیکنیکل تعلیم کا سب سے پرانا اور مشہور ادارہ ہے۔ یہ اسکول پاکستان بننے سے پہلے یعنی 1942 میں شروع ہوا تھا اور پچھلے 80 سال سے زیادہ عرصے سے نوجوانوں کو مختلف ہنر سکھا رہا ہے۔

ہمارے اسکول کی خاص بات یہ ہے کہ یہاں میٹرک کی سائنسی تعلیم کے ساتھ ساتھ ٹیکنیکل کورسز بھی کروائے جاتے ہیں۔ طلبہ کو کمپیوٹر، الیکٹریکل ہوم وائرنگ اور کارپینٹری کی ورکشاپس میں خود پریکٹیکل کام کرنے کا موقع ملتا ہے۔

ہمارا اسکول ٹیکنیکل بورڈ اور بلوچستان بورڈ سے منظور شدہ ہے، جس کی وجہ سے یہاں سے پاس ہونے والے طلبہ کو آسانی سے نوکری مل جاتی ہے یا وہ اپنا ذاتی کام شروع کر لیتے ہیں۔